«Մենք այստեղ հանգստանում ենք, թող գնան իրենց պալատկաներում մնան»

Ֆրանսիայի հրապարակին հարակից՝ Կոմիտասի այգում այսպիսի բառերով երկու կանայք փորձել են վիճաբանություն սարքել բողոքի ակցիայի մասնակիցների հետ։ Նրանք մոտեցել են այգում հավաքված մարդկանց ու պահանջել ազատել այգին՝ նշելով, որ իրենք այդտեղ հանգստանում են։ ԱԺ պատգամավորներ Արմեն Գեւորգյանն ու Էլինար Վարդանյանը փորձել են լիցքաթափել իրավիճակը, իսկ ոստիկանները հորդորել են հեռանալ։ Հենց այդ ժամանակ կանանցից մեկը, որը վրդովվել է, որ մեր թղթակիցը նկարահանում է, հարվածել է հեռախոսին։