Жаңа шектеу! Енді депозитке белгіленген мөлшерден артық ақша сақтауға болмайды

Қазақстанда банктердің депозиттеріне шектеу қойылмақ. Енді халыққа жинақта белгіленген мөлшерден артық ақша сақтауға болмайды. Қаржы нарығын реттеу агенттігі тиісті қаулы қабылдады. Талапқа сәйкес, жинақ салымы - 20 миллион теңгеден, ал басқа депозиттер 10 миллион теңгеден, шетел валютасындағы салымның шекті мөлшері - 5 миллион теңгеден аспауы тиіс. Бірақ белгілі болғандай бұл талаптар жаңадан ашылған немесе базалық лицензиямен жұмыс істейтін банктерге ғана қойылады. Бұған дейін жұмыс істеп тұрған қаржы ұйымдарына қатысы жоқ. ҚР ҚАРЖЫ НАРЫҒЫН РЕТТЕУ ЖӘНЕ ДАМЫТУ АГЕНТТІГІНІҢ БАСПАСӨЗ ҚЫЗМЕТІ Банктер туралы жаңа заң банк лицензияларының екі түрін көздейді: әмбебап және базалық. Базалық лицензия шағын банктерге арналған және жеңілдетілген талаптарды көздейді. Мұндай банктер үшін активтер 500 млрд теңгеден аспауға тиіс. Жеке тұлғалардың депозиттері депозиттерге кепілдік беру жүйесі өтейтін сомамен шектеледі. Базалық лицензиясы бар банктер үшін енгізілген шектеулер жұмыс істеп тұрған банктерге қатысты қолданылмайды. Жұмыс істеп тұрған банктердің әмбебап лицензиясы бар. #Информбюро #31арна #БастыЖаңалықтар #Новости #31канал