Олмазор туманининг “Юқори Бешқўрғон” маҳалласида хатлов ва антропометрия ўрганишлари давом етмоқда

🩺 Ўзбекистон Республикаси Президентининг "Бирламчи тиббий-санитария ёрдами муассасалари фаолиятига мутлақо янги механизмларни жорий қилиш ва соғлиқни сақлаш тизимида олиб борилаётган ислоҳотлар самарадорлигини янада ошириш чора-тадбирлари тўғрисида”ги Фармони ижросини таъминлаш мақсадида 2020 йилнинг декабрь ойида Олмазор туманининг “Юқори Бешқўрғон” маҳалласида амалга ошрилиган хатлов ва антропометрия ўрганишлари давомида жами 3739 нафар аҳоли текширувдан ўтказилган эди. Унда 167 та нафас олиш аъзолари, 379 та юрак қон томир, 199 та эндокрин касалликлари, 336 та овқат ҳазм қилиш аъзолари касаллликлари, 41 та сийдик- таносил, 27 та суяк – мушак тизими, 10 та ҳафвли ўсма ва 193 та бошқа касалликлар аниқланган эди. Олиб борилган ўрганишлар натижасида маҳалланинг саломатлик профили яратилди ҳамда юрак қон томир касалликлари юзасидан мақсадли тиббий кўриклар ташкил этилди. Унда Тиббиёт академиясининг профессор шифоркорлар, каридологлари иштирок этиб аҳолини кўрикдан ўтказишди. Шунингдек ётиқлик беморлар уй шароитида назоратдан ўтказилди. 🖌 Олмазор тумани ҳокимлиги Матбуот хизмати