Жанар Туратова | КАРАКЫЗ

Кыргыз күлүгүбүз Карагызга арналган ыр🔥 Сөзү, обону кыргыз Эл акыны Аалы Туткучев • Аркан бою керилип арыш таштаган, Саяпкерлер сынынан айып таппаган. Мекенимде күлүк бар Каракыз деген, Мелдештерде туу жыгып намыс сактаган. Кайырма: Туягынан көрдүнбү кумдун учканын, Чаңга бөлөп асмандын сур булуттарын. Каракыздын таштаган арышы сымал, Алгалай бер мекеним Кыргызстаным. • Кош тизгинин чабандес тарткылап чабат, Каршы соккон шамалга аптыгат кара ат. Жер сабаган күлүктүн дүбүртүн коштоп, Жүрөк булкуп көөдөндү каккылап барат. • Жабуусуна кол салып карап терине, Айландырган аламан талапкерине. Баласындай бапестеп тилин түшүнгөн, Бали рахмат таптаган саяпкерине.