Նոր հոգևոր երգ "ԿՎԱԶԵՄ ՈՒ ՉԵՄ ՀՈԳՆԻ"

Երեք օր առաջ իմ մտքում անդադար մի խոսք էր հնչում Աստվածաշնչից։ «Նրանք արծվի պես պիտի վեր սլանան, պիտի վազեն ու չհոգնեն» (Եսայիա 40․31)։ Այդ պահին հասկացա՝ Աստված նոր երգ է ուզում, որ գրեմ։ Նստեցի Նրա ներկայության մեջ, ու աչքերիս առաջ սկսեց անցնել իմ կյանքի ճանապարհը՝ վազք, շարժում, չկանգնելու որոշում։ Դա նման է մարաթոնի․ ոչ թե ուրիշների հետ մրցելու, այլ մի նպատակ ունենալու՝ հասնել վերջնագծին – Finish line-ին։ Երբ մարաթոն ես վազում, հետ չես նայում՝ ով մնաց ետևում, կամ ով է առաջ անցել։ Մրցակցություն չկա։ Բոլորն ունեն մեկ նպատակ՝ հասնել վերջնագծին։ Իսկ վազքը հեշտ չէ՝ ցավեր, փորձություններ, ծանր պահեր։ Բայց այն ուրախությունը, որ սպասում է վերջում, աննկարագրելի է։ Այս երգը հենց դրա մասին է։ Չնայել ետ՝ դժվարություններին կամ փորձություններին, այլ առաջ՝ այն պարգևին, որ Աստված պատրաստել է մեզ համար վերջնագծում։ Այս երգը հույսի մասին է։ Եվ հավատում եմ, որ ով էլ լսի այս երգը, կտեսնի իր պատմությունը դրա մեջ ու կօրհնվի։