Заңсыз ойын автоматтары жойылды

Алматы қаласы бойынша Экономикалық тергеу департаменті «Сәтті Жұлдыз» ұлттық лотереясымен бірлесіп, ел бойынша заңсыз қойылған ойын автоматтарын жоя бастады. Бүгінгі таңда ел аумағында заңсыз бизнес жүргізгендердің 6 мыңнан астам техникасы тәркіленген. Ал Қазақстандағы Lotomatic терминалдары заң шеңберінде жұмыс істейді. Мамандар Lotomatic-ті заңсыз қойылған ойын автоматтарынан бірнеше белгілер бойынша ажыратуға болады дейді. АЗАМАТ ҚАБЕТОВ, тілші: – Алматы қаласы бойынша Экономикалық тергеу департаменті «Сәтті жұлдыз» ұлттық лотереясымен бірлесіп, заңсыз орнатылған ойын терминалдарын жою бойынша жоспарлы жұмыстарды жүргізіп жатыр. Ресми деректер бойынша, «Лотерея және лотерея қызметі туралы» Заң күшіне енгенге дейін ел аумағында заңсыз жұмыс істейтін ойын автоматтарының саны 20 мыңнан астам болса, сараптама деректері бойынша көлеңкелі нарықтағы автоматтардың жылдық ақша айналымы 54 млрд теңгені құраған. Бұл мемлекеттік бюджетке айтарлықтай әсер етті дейді мамандар. Мамандардың айтуынша, олардан түскен қаражат экстремистік және қылмыстық әрекеттерді қаржыландырған. ЕРЛАН АҚЫНБАЕВ, Алматы облыстық Экономикалық тергеу департаментінің жедел басқарма басшысы: – Биыл 5 айдың ішінде департамент 15 сотқа дейінгі тергеу жүргізіп, оның 12-сі сотқа жіберілді. 2021 жылы осындай 27 құқықбұзушылық тіркеліп, сот хаттамасы толтырылып, заңсыз айналымнан тіркіленген 100-ден аса ойын терминалдары жойылды. Биыл Қазақстан бойынша заңсыз ойын бизнесінің қызметін анықтау және жолын кесу кезінде 6 мыңнан аса техника тәркіленіп, 241 қылмыстық іс қозғалған. Ал "Сәтті Жұлдыз" ұлттық лотерея өкілдері елімізде тек Лотоматик терминалдары заңды тұрғыда жұмыс істейтінін айтты. НҰРЖАН ОСПАН, "Сәтті Жұлдыз" АҚ Коммуникация департаменті директорының орынбасары: – Lotomatic жобасын бастаудағы негізі мақсат - қазақстандықтарға ресми түрде ұсыну. Және де осы бизнестегі заңсыз субъектілерді заңды түрде жұмыс жасауға тарту болып табылады. Lotomatic терминалын заңсыз ойын автоматтарынан ажырату үшін мына белгілерге назар аудару керек дейді мамандар. Дүңгіршектің сары-көк түсті болып, тиісті логотип болуы қажет. Оған қоса, терминалдың сәйкестендіру нөмірі мен QR коды болуы шарт. . . . . Бізді әлеуметтік желіде оқыңыздар: Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1 WhatsApp Информбюро +7 777 331 31 31 #Информбюро #Ақиқатын_Айтайық #ИнформбюроЖаңалықтары #БүгінгіЖаңалықтар #БастыЖаңалықтар