Мускав кĕперĕ çĕнелет

Шупашкарти Мускав кĕперĕн иккĕмĕш пайне çулталăк вĕçлениччен хывмалла. 1966 çулта тунăскер вăл Мускав тата Ленин районĕсене çыхăнтарать. Çур ĕмĕр каялла паллах ун тăрăх çакăн чул автомашина чупасси тата пăкăра тăрса нуша курасси пирки шутламан та. Çавăнпа халĕ çĕнĕ кĕпере 6 йĕр таран сарма йышăннă. Паян пирĕн пултарулăх ушкăнĕ ĕçсем мĕнле пынипе паллашрĕ.