Bogatyr Production System (KZ). Ильдар Ахатов. 19.12.2025

БЖКБ Қосалқы кешені құрамын енетін Узловая станциясында орналасқан №2 СОБ учаскесі келесі маңызды қызметтерді атқарады: Сигнал беру – пойыздардың қозғалысын басқаруға қажетті жарықтық, дыбыстық және өзге де сигналдарды беру жұмысын қамтамасыз ету; Орталықтандыру – бағыттамалық электр жетектері мен сигналдарды бір орталықтан қашықтан басқару; Бұғаттау – пойыздар арасындағы қауіпсіз арақашықтықты автоматты түрде сақтау. Бұл маңызды міндеттердің барлығы қызметкерлердің жоғары жауапкершілігі мен жұмыс мәдениетін талап етеді. 5S стандарты осы міндеттерді орындауда тәртіп пен тиімділіктің кепілі болып отыр. Узловая станциясы басындағы шеберхана мұнтаздай таза, әр құрал-сайманның өз орны бар. Сонымен бірге олар қолдануына қарай жеке бөліктерге бөлініп сақталуда. Учаске бастығы Ильдар Ахатовтың айтуынша, 5S жүйесі – жұмыс үшін қажетті құралдардың уақытылы қолжетімді болуы мен олардың нақты орында сақталуына мүмкіндік беретін тәртіп жүйесі. «5S жүйесі – біздің жұмысымыздың ажырамас бөлігі. Әр құрал өз орнында тұрады, ретсіздікке жол берілмейді. Бәрі 5S стандартына толық сәйкес ұйымдастырылған. Осы талапты ұстануға әрдайым назар аударамыз», – дейді Ильдар Флюрович.