Монгол үгийн алдаа шалгах толийг Notepad++ дээр хэрхэн ашиглах вэ?

Hunspell (v1.3.3-с хойших хувилбарууд) алдаа шалгагчид суурилсан монгол үгийн алдаа шалгах толийг Notepad++ программ дээр суулгаж ашиглах зааварчилга Энэхүү толь нь 45 мянга орчим үндэс үгтэй бөгөөд үйл үгийн хэв болон байдлын нөхцөлийг оролцуулаад 541,000 орчим үгсээс нийтдээ 450 сая гаруй үгийн хувилал үүснэ. Уг толь нь юникод (UTF-8) стандартад нийцүүлэн бүтээгдсэн тул толийг ашиглахдаа Windows/Mac OS/Linux үйлдлийн системүүдэд дагалдаж ирэх монгол кирилл үсгийн гарын үндсэн драйверыг ашиглахыг зөвлөж байна. Учир нь гарын үндсэн бус зарим драйверууд хэдийгээр юникод стандартыг хангах боловч өүйё үсгүүдийн кодууд нь тогтсон стандартаас зөрөөтэй байдаг тул таны оруулсан үг зөв мэт харагдах авч алдаанд тооцогдох болно. Дэлгэрэнгүй мэдээллийг https://zuv.bichig.dev хаягаас авна уу.