Талаптан туған табысты кәсіп

Кәсіпке әркім әртүрлі жолмен келеді. Бірі әуелден бизнеске қызықса,енді бірі өміріндегі үлкен өзгерістерден кейін жаңа бағыт табады. Ақтаудағы "Бизнес букет" гүлдер желісінің негізін қалаған Бақтықожа Орысбаевтың да кәсіпкерлікке келу жолы өзіндік ерекшелігімен есте қалады. Өміріндегі қиын кезеңнен кейін ол параспортпен айналысып, спортта өзін сынап көрді. Бұл кезең оның бойында табандылық пен жігерді қалыптастырып, кейінгі өміріне де әсер етті. Кейін кәсіпкерлікке бет бұрып, гүл бизнесін қолға алды. Бүгінде оның бренді Ақтау қаласында ғана емес, Батыс Қазақстан бойынша №1 гүлдер дүкені ретінде танылып отыр. Сұхбатымызда Бақтықожа Қыдырқожаұлы мен параспорттағы жолы, кәсіпкерлікке келуі, алғашқы кәсібін бастаған сәті, брендтің қалыптасуы, гүл бизнесінің ерекшеліктері және алдағы жоспарлары туралы әңгімелестік.