Нывгӕнӕг Хохойты Асланы сӕрмагонд равдыст байгом Дзӕуджыхъӕуы

Зындгонд ирон нывгӕнӕг Хохойты Асланы сӕрмагонд равдыст "Между сном и явью" байгом Дзæуджыхъæуы.  Экспозицийы — 42 куысты, æвдисынц авторы сфæлдыстад алы афонты. Нывгӕнӕг 25 азы архайдта керамикӕимæ. Афӕдз ӕмӕ ӕрдӕджы размӕ та раздæхт йæ сабибонты бӕллицмӕ — ахорæнтæм. Равдысты ном символикон хуызы ӕвдисы авторы тырнындзинад, дуне куыд бирӕвӕрсыг у, уый раргом кæнынмæ. Мадзаларазджытæ — "Опора России"-йы цæгатирыстойнаг хайад. Минӕвӕрттӕ радих кодтой фæз æмæ проекты райрæзтæн бакодтой алывæрсыг æххуыс. Дӕсныйы нывтимӕ базонгӕ уӕвӕн ис мæйы кæронмæ Нотӕты-музыкалон библиотекӕйы.