КАЛІ ЗГАРЭЛА СОНЦА.

Да Вашай увагі -- відэаролік, які прэзентуе брашуру аднаго з заснавальнікаў беларускага літаратурнага пост-мадэрну АЛЕСЯ ТУРОВІЧА. Унізе -- адзін з раманаў-эсэ Алеся Туровіча: "КАЛІ ЗГАРЭЛА СОНЦА". Калі згарэла Сонца, Зямля супакоілася. Ёй стала хораша і ўтульна. Болей на ёй не аралі, па ёй не тупалі, ніхто не кідаў на яе бруд. Калі-некалі да яе прыляталі на касмічных караблях пагасцяваць людзі. Турысты наведвалі музеі і здзіўляліся, як іх продкі маглі тут жыць. Музеі ім распавядалі прыгожыя гісторыі пра прашчураў, якія непадпарадкоўваліся Сонцу і Зямлі. Нарэшце, гэтыя гісторыі так спадабаліся дзяўчынцы і хлопчыку, што яны захацелі сапраўднага чалавечага кахання. Яны доўга трэніраваліся, і, калі выраслі, сталі Сонцам і Зямлёй. Былым Хлопчыку і Дзяўчынцы цікава слухаць казкі пра Вялікі Выбух.