Улутпуз биз - Зайырбек Ажыматов

Зайырбек Ажыматов - УЛУТПУЗ БИЗ! Окуган: Курманбек Ниязбеков Түндүк-түштүк, сай-сай деп чектегениң, Түпкү атаңдын арбагын тепсегениң. Бийлик үчүн мырзалар, бийлик үчүн, Биримдигин элиңдин экчебегин. Бир бүтүнгө айлансак улукпуз биз, Бирикпесек улутту куруттук биз, Кыр-кырлардан жыйналган жыйын эмес, Кыргыз деген улутпуз, улутпуз биз. Өрттөй көрбө быкшытып өзөгүңдү, Өлтүрбөгүн өзүңдү, өз элиңди. Ата-энеңден, жарыңдан, балдарыңдан, Артыгырак сүй журтту, Мекениңди! Өксүбөсүн бир бооруң жатындашың , Өмүр көксөп эч бир ок атылбасын. Кыргызстандын жеринде сакта Кудай, Кыргыз каны эми эч чачылбасын! Зобололуу уул-кызың чыгаан болсун, Зор биримдик биз үчүн курал болсун. Кокту-колот, сай-сайга бөлүнбөгүн, Кыргыз деген бир гана ураан болсун! Our Social Media YouTube : https://www.youtube.com/bosogo