«Няхай святло хутчэй пераможа». Калядны ліст да мамы з Лондана

Ганна Комар дзеліцца цікавосткамі пра тое, як адзначаюць Каляды ў Лондане і распавядае, як яна правяла свята — у кампаніі сяброў і разам з беларускай супольнасцю Лондана ў Марыён Гаўзе. «Каляды надышлі, і як бы я ні ўпіралася, а і мяне засмактала святочная атмасфера», — кажа Ганна. Скарыстаемся магчымасцю дакрануцца да каляднай атмасферы Лондана. #лістыдамамы — пісьменніца Ганна Комар, якая цяпер жыве ў Лондане, піша лісты да сваёй матулі, распавядаючы ёй пра побыт у брытанскай сталіцы і прыгадваючы моманты з мінулага жыцця — часам цёплыя і ўтульныя, часам балючыя і шчымлівыя. «Таксама я дзялюся думкамі на розныя тэмы — ад радасцяў і цяжкасцяў эміграцыі да фемінізму, гвалту і адносінаў паміж дачкой і маці». Падкаст падрыхтаваны супольна культурна-асветніцкім парталам budzma.org і Ганнай Комар. Чытае Ганна Комар #радыёбудзьма #ганнакомар #падкаст #падкастбудзьма