Nochy “Слова маё – гэта меч у баі” | Песня да Дня роднай мовы 2025

Грамадская арганізацыя “Годна” разам з гуртом @nochyband выпусцілі адмысловы кліп да Міжнароднага дня роднай мовы. Гэта не проста песня – гэта моцны адказ усім, хто спрабуе прымусіць нас забыцца, саромецца або маўчаць. Кліп паказвае, з чым сутыкаюцца беларускамоўныя. У ім выкарыстаныя рэальныя каментары, якія людзі чуюць ці чытаюць ледзь не штодня. Але гэта не гісторыя пра хейт – гэта гісторыя пра нашую сілу! Бо замест таго, каб апусціць рукі і прамаўчаць, мы гаворым: мы тут, мы ёсць і нас не спыніць. За дапамогу са здымкамі дзякуем студыі ў Варшаве https://koska.waw.pl/ і шчыра раім для выкарыстання пад вашыя патрэбы. Падтрымаць працу Годна данатам можна тут: https://www.patreon.com/hodnaby https://buymeacoffee.com/hodna Сачыце за намі і за гуртом Nochy ў сацыяльных сетках. Годна: Nochy: Слухаць музыку: https://fanlink.tv/nochy Пачала і адразу ў адказ Гнеў, таксічныя словы ў сацсетках: – «Ды каму гэта мова патрэбна?» – «У нас дзве! Абірай што лягчэй ты!» Задаюся пытаннем, сястрыцы, браты! Ці змаўчаць, ці ўсё ж гаварыць? Бо маю толькі жаданне, А хтось спрабуе імпэт супыніць. На маё «Прывітанне!» адчую цяпло, Што голас такі не адзіны. Штодзённа ў сэрцы агонь і святло, Аднойчы пачуўшы Радзіма. І няхай гаворыце ўслед, Што марна, што цяжка, залішне. Але мова мая – найсвятлейшая песня, Што цемру бязлітасна знішчыць! Беларускую мову люляюць лясы, А звяры нападаюць на кволых. Слова маё – гэта меч у баі, Гэта кліч, што падыме нязломных. Няхай словам родным гучыць наш народ, Яго сны, яго мары, імкненні. І так будзе далей сотні, тысячы год. І не варта ніякіх сумненняў! #дзеньроднаймовы #беларускаямова #мова #годна #nochy #роднаямова #беларускаямузыка