DXА: Gender tenglik. FHDYo boʼlimlarida targʼibot tadbirlari.

Gender tengligi iborasi juda koʼp takrorlanayotgan jamiyatda yashayapmiz. Yangilanayotgan Oʼzbekistonda ayollarning siyosat va iqtisodiyotga keng jalb qilinishi tufayli bu borada siljishlar bor. Аmmo, odamlar nazarida hali ham ayollar oʼrni oshxonada, degan qarashlar butkul yoʼqolmagan. Bugun “yo oila, yo ish” , - degan fikrlar gender tengligiga toʼsqinlik qiladi. Sir emaski, oqibatda zoʼravonlikning turli koʼrinishlarini kuzatayapmiz. Tazyiqdan jabrlanuvchilarga himoya orderining berilayotgani esa jamiyat rivojlanishidagi eng oʼtkir muammolar borligini anglatadi. Fuqarolik holati dalolatnomalari yozish boʼlimlarida har doim ham koʼpchilik tasavvuridagi xursandchilik, quvonchli onlar kuzatilmaydi. Oilaviy zoʼravonlikdan jabrlanayotganlarning barchasi ham tazyiqqa uchrayotganini ochiq-oydin aytolmaydi. Bunday ayollar baʼzida FHDYo boʼlimlarida oilaviy mojarolaridan bezib, koʼngillarini ochadilar.