АГУУЕХЭ ИЛАЛТЫН ҮДЭРТЭ ЗОРЮУЛАГДАhАН БҮХЭ БАРИЛДААГААР ЧЕМПИОНАТ

Агууехэ Эсэгын дайнай Илалтын 79 жэлэй ойн баярта зорюулагдаhан “Бүхэ барилдаан” майн 10-да Агын ФСК-соо боложо дүүрэбэ. Буряад Уласай, Эрхуу можын, Үбэр-Байгалай хизаарай 140 бүхэшүүл: 14-17 наhанай 90 хүбүүд, томошуул 50 барилдаашад ана-мана барилдаба. “Бүхэ барилдаан” түрүүшын чемпионат нээлгэндэ Үбэр-Байгалай хизаарай амбан ноен Александр Осипов, сенатор Баир Жамсуев, Үбэр-Байгалай хизаарай Законодательна суглаанай түрүүлэгшын орлогшо Согто Бадьжинимаев, Орос Уласай Герой Балдан Цыдыпов, ВАРК-ын президент Чимит Бальжинимаев болон бусад хабаадаба. Согто-Хангил нютагай Арсалан Будажапов 100000 тухэриг шагнал абажа, абсолютна чемпион болобо. 18 наhа гүйсөөгүй эдиршүүл соо Хальмаг Уласhаа ерээд, “Зугалай” физкультурнэ клубтэ барилдажа hуража байдаг Данзан Тюрбейев абсолютнэ чемпион болобо.