Марий Эл ТВ: «Ямде лий» газетын чолга юнкоржо-влакым премий дене палемдат

#марийэлтелерадио #твмэтр #марийэл #йошкарола #новости Чолга юнкор-влакым премий дене палемдат. «Ямде лий» йоча газет кажне ийын Вячеслав Абукаев-Эмгак лӱмеш поро кумылым ончыктышо фондын полшымыж дене «Рвезе йӱк» конкурсым эртара. Сылнымутлан шӱман йоча-влакым премий дене палемдаш поро йӱла эше 80-ше ийлаштак туналтышым налын. Кажне ийын сылнымут аланыште шке вийым тергаш кумылан йоча-влак Марий Элын тӱрлӧ районлаж гыч гына огыл, пошкудо Татарстан да Пошкырт кундемла гычат тунемше-влак ушнат. Тачысе кечылан «Ямде лий»газетын тӱрло премийже дене 100 утла йоча палемдалтын. Сеҥыше-влакым редакций пашаен-влак идалык мучко ончен ойырат. Нуным икмыняр номинацийыште палемдат. Новости ТВ МЭТР. Интернет-версия. Интернет-версия выпуска новостей ok.ru/tvmetr - в Одноклассниках