Республикӕйы библиотекӕты ног кӕнынц чингуыты фонд

«Производительность труда», зæгъгæ, ныхас арæхдæр баст вæййы заводы куыстимæ. Фæлæ ныр уыцы домæнтæ æххæст кæнынц Цæгат Ирыстоны библиотекæты дæр. Республикæ архайы национ проект «Эффективная и конкурентная экономика»-йы æмæ йӕ фыццаг фӕстиуджытӕ ныридӕгӕн бæрæг дарынц. Æртӕ азмӕ проект баххуыс кодта республикӕйы сӕдӕгай организациты куыст снывыл кæнынæн. Национ наукон библиотекӕйы ивддзинӕдтӕ уӕлдай тынгдӕр зынынц. Библиотекӕйы куысты сӕйраг нысан — чиныгкӕсджыты интерестӕ. Чингуыты фонд ног кӕнынц, рæстæджы домӕнтӕм гӕсгӕ. Куыд фӕстиуӕг — адӕм цы литературӕйы фӕдыл ӕрбацӕуынц, уый фылдӕр кæны. Удӕнцойыл дæр ахъуыды кодтам. Алы уӕладзыджы дӕр фӕзынд навигаци. Цӕстӕй æвзæр чи уыны, уыдонӕн – Брайлы шрифтимӕ уырзæй сгаргæ амонæнтæ. Нацпроект "Эффективная и конкуретная экономика" бӕлвырд кӕны, фӕллойы ахадындзинад бӕрзонддӕр кӕнын æрмæст стыр куыстуӕттӕн нӕу ахсджиаг. Ног бацӕуӕнтӕ фадат дӕттынц организациты куыст ахадгӕдӕр кӕнынӕн, лӕггӕдтӕ та - адӕмӕн ӕнцонвадатдӕр кӕнынӕн. Проект библиотекӕтӕн радта æрмæст ногдзинад нӕ, фӕлӕ ма куысты ног фæзилæнтæ дӕр. Чиныгкӕсджыты цымыдисдзинад рӕзы, архайд рӕвдздӕр кӕны. Фидæнмæ нысанты — æппынæдзух æмæ ноджы фылдæр ивддзинæдтæ. Джиоты Данæ, Дзукъаты Маринæ