Ինչ է իրականում տեղի ունեցել, և ինչու էր Աշոտ Գևորգյանը Գորիսում. մանրամասներ
Sputnik Արմենիա ռադիոկայանի «Մենք» հաղորդաշարի հեղինակ Աշոտ Գևորգյանը «Աբովյան Time»–ի եթերում պատմել է իր և բլոգեր Միկա Բադալյանի ձերբակալության մանրամասները։ Գևորգյանը քաղաքական ենթատեքստ է տեսնում իր ձերբակալության մեջ և ընդգծում, որ վերջին տարիների իր ընդդիմադիր կեցվածքը, ինչպես նաև «Ռոսիա սեգոդնյա» լրատվամիջոցում աշխատելն է գործոն դարձել։ «Ինձ համար անակնկալ էր ու վիրավորական էր, թե ինչի մեջ են ինձ մեղադրում։ Իմ հարգանքը դեպի զենքը, դեպի զենքի օգտագործումը և դրա լրջությունը դեռևս սովետական տարիներից է ձևավորված։ Ու նման մեղադրանքը ինձ համար իսկապես վիրավորական էր»,– ասում է Գևորգյանը։