Цæгат Ирыстоны цæттæ кæнынц экологон субботниктæм. Санитарон æфснайæн æмæ цъæх фæлыстмæ зилæн бонтæ ныридæгæн систы традици. Аразынц сæ алы аз дæр апрелæй маймæ. Дзуапдæттæг министрады специалисттæ ма рабæрæг кæнынц æнæзакъон бырондæттæ дæр. Уый фæдыл фембæлдысты районты сæргълæууджытимæ. Хицауад та снысан кодта, бырон цы æмгъуыдмæ бафснайын хъæуы, уый. Сергей Меняйло раздæр бабар кодта республикæйы экологон уавæр снывыл кæнын. Национ проект "Экологи"-мæ гæсгæ аиуварс кæндзысты бирæ азты цы егъау бырондæттæ сæмбырд, уыдон. Фарон куыстой Алагир æмæ Æрыдоны. Ацы аз та - Дигора æмæ Беслæны.