Нефтекамала өс бала һәләк булған янғын буйынса енәйәт эше ҡуҙғатылды

Башҡортостан башлығы Радий Хәбиров Хөкүмәттең бөгөнгө оператив кәңәшмәһендә Нефтекаманың Әмзә ауылындағы янғын сәбәптәрен асыҡларға ҡушты. Ҡот осҡос фажиғәлә өс баланың ғүмере өҙөлгән. Янғын сыҡҡан ваҡытта балалар өйҙә яңғыҙ була; ғаилә социаль хәүеф төркөмөнә ҡараған ғаиләләр иҫәбендә тора. Төбәк етәксеһе хәүефһеҙлек системаһының ни өсөн эшләмәүен асыҡларға, шулай уҡ урындағы властарҙың имен булмаған ғаиләләрҙе контролдә тотоу буйынса эшен тикшереү бурысын ҡуйҙы.