Премьер Дзанайты Барис видеобастдзинады руаджы архайдта Дмитрий Чернышенкоимӕ ӕмбырды

Премьер Дзанайты Барис видеобастдзинады руаджы архайдта Дмитрий Чернышенкоимӕ ӕмбырды. Ӕрныхас кодтой скъолаты цӕттӕдзинадыл ног ахуыры азмӕ. Сӕйраг темӕтӕ: сывæллæтты ӕдасдзинад, ахуыргӕнджытӕ кӕй нӕ фаг кӕны, ног ахуыргӕнӕн чингуытӕ ӕмӕ цалцӕг. Уӕрӕсейы вице-премьер куыд загъта, афтӕмӕй сывӕллӕтты ӕдасдзинад у ӕппӕты сӕйрагдӕр. Бафтыдта ма, ахуыргӕнджытæн фылдæр æххуыс кæнын кӕй хъӕуы. Рухстауынады министр Сергей Кравцовы ныхæстæм гæсгæ, ахуыргӕнæджы уӕгъд бынӕттӕ бæстæйы фӕкъаддӕр сты иу ӕнӕхъӕн æмæ аст дӕсӕм процентӕй иу ӕнӕхъӕн æмæ иу дӕсӕм проценты онг. Дзанайты Барис куыд радзырдта, афтæмæй ныртӕккӕ регионы цалцӕг кӕнынц дыууын цыппар скъолайы ӕмӕ æхсæз рӕвдауӕндоны. Скъолатӕ ӕххӕстӕй райстой ног ахуыргӕнӕн чингуытӕ истори ӕмӕ ӕхсӕнадзонынадӕй. Республикӕйы сӕргълӕууӕг Сергей Меняйлойы хъӕппӕрисӕй регионы уадзынц ног проекттӕ. Уыдонимӕ — ахуыргӕнджытӕн ӕххуысы программӕтӕ ӕмӕ фараст скъолайы — сӕрмагонд проект математикӕ арфдӕр сахуыр кӕныны тыххӕй.