Фистæгдзæуджыты æдасдзинад фæбæрзонддæр кæныны нысанимæ Дзæуджыхъæуы Къостайы проспект æмæ Ларионовы уынджы тигъыл фæзынд адæймаджы къухæй кусгæ светофор. Ацы уаццагыл æппыæдзух бирæ хæдтулгæтæ цæуы. Уымæй уæлдай ма хæстæг у сывæллæтты сфæлдыстады скъола дæр. Фæндаджы сæрты чи хизы, уый хъæуы æрмæст кнопкæйыл бахæцын, цыбыр рæстæджы фæстæ сфетофор фистæгдзæуджытæн цъæхæй ссудзы. Дзæуджыхъæуы ма ахæм хуызы светофортæ ис дыууæ. Фыццаг Иристонская æмæ Огурцовы уынгты тигъыл, иннæ та фæндзæм училищæйы цур. Æдæппæтæй та горæты ис 130 светофоры, уыдонæй 5 афæдзы кæронмæ ногæй раивдзысты.