Республикæйы æнæниздзинад хъахъхъæныны, культурæ æмæ ахуырады сгуыхт кусджытæ, сæрмагонд æфсæддон операцийы архайджытæ – æфсæддон дохтыртæ æмæ медицинон хотæ. Кадджын паддзахадон хæрзиуджытæ сылгоймæгтæ абон райстой республикæйы сæргълæууæг Сергей Меняйлойы къухæй. Бæрæгбоны агъоммæ уый арфæ ракодта республикæйы алы къабæзты кусæг сылгоймæгтæн. Йæ зæрдæ сын загъта фидар æнæниздзинад, фарн æмæ амонд. Арфæйы фыстæджытæ райстой регионы 13 сылгоймаджы.