Валерия Левченко фæуæлахиз республикон конкурсы "СМИ против коррупции"

Нæ телекомпанийы тематикон службæйы уацхæссæг Валерия Левченко фæуæлахиз "СМИ против коррупции", зæгъгæ, республикон конкурсы. Дыккаг бынат бацахста Паддзахадон телерадиокомпани «Алани»-йы уацхæссæг Хетæгкаты Зæлинæ, æртыккаг та газет "Северная Осетия"-йы журналист Гогаты Нателлæ. Лауреаттæн дипломтæ æмæ лæвæрттæ кадджын уавæры радта республикæйы хицауады æмæ сæргълæууæджы администрацийы разамонæг Гобеты Ибрагим. Журналисттæн арфæ ракодта сæ профессионалон дæсныдзинад æмæ æвæллайгæ куысты фæдыл. Загъта сын бузныг коррупцийы ныхмæ тохмæ се ргом кæй здахынц, уый фæдыл. Бафтаудзыстæм ма уый, конкурс ныридæгæн сарæзтой фæндзæм хатт коррупцийы ныхмæ управленийы хъæппæрисæй.