Дзæуджыхъæуы сывæллæтты 1-æм поликлиникæ бындурон цалцæдджы фæстæ æнтыстджынæй кусы
Уæ цæстытыл ма ауайын кæнут ахæм цау: сывæллон тæвд кæнын райдыта æмæ йæ хъæуы дохтыры æххуыс. Поликлиникæмæ йæ куы акæнай, уæд иннæ сабиты дæр фæрынчын кæндзынæ, стæй тæссаг у æндæр, хæцгæ низ райсынæй дæр. Фæлæ ногцалцæггонд поликлиникæйы ахæм сывæллæттæн сарæзтой хицæн бацæуæн, пандусимæ. Ам медицинон уат ифтонг у æппæт хъæугæ кусæнгæрзтæй. Дохтыртæ дзы цыбыр рæстæгмæ сывæллонæны тæвд æрæппардзысты æмæ йæ ауадздзысты хæдзармæ. Ноггуырд сывæллоны æркаст дæр цæуы иу ран, раздæрау æй алы уæладзгуыты хæссын нал хъæуы. Мæй æмæ иу аздзыд ноггуырдтæн ам æркæсынц сæ хъустæм. Ахæм процедурæ хъæуы, цæмæй фидæны сывæллон афойнадыл дзурын райдайа. Æрæгмæ чи сдзуры, уыцы сывæллæтты 3-аг хайæн йæ аххосаг — уæзхъус кæй сты, уый мидæг. Ног нымæцон аппаратимæ уавæр уайтагъд сбæрæг вæйы. Хистæр кары сывæллæтимæ кусынæн дæр поликлиникæйы ис йæхи технологитæ. Зæгъæм, скъоладзаутæ тагъд цы хæринагæй бафсадынц сæхи, уый халы ахсæн. Поликлиникæйы хирургон хайад та ифтонг у нырыккон низбæрæггæнæг кусæнгарзæй. Аппараты руаджы дохтыр экраныл уыны æппæт уавæр, æмæ низыл куы фæдызæрдыг вæйы, уæд йын фадат ис бынаты иртасæн куыст сарзынæн. Сывæллоны æнæниздзинад фидар кæнынц боныгон стационары, изæры та йæ арвитынц хæдзармæ. Поликлиникæ ифтонг у, цæмæй сабийæн йæ астæуы стæг ма фæкъдз уа, йæ уæхсджытæ уой æмраст, уæнгтæ рог. Реабилитаци дзы цæуынц гастритæй рынчын сывæллæттæ. Ис сæм улæфæнтæ, нервытæ дзæбæхгæнæн апараттæ. Ахæм кусæнгæрзты фæрцы арæзт цæуы нырыккон домæнтæн дзуапп дæттæг поликлиникæ. Цалцæггæнæн куыстыты рæстæг ам баивтой æппæт хæтæлтæ, бæстыхаймæ бауагътой уæлдæфуадзæнтæ æмæ зынгхуыссынгæнæн системæ. Стыр ивддзинæдтæ дзы æрцыд 9 мæймæ. Рацарæзты фæстæ поликлиникæйы фæзынд фылдæр кабинеттæ. Бацæуæны сæвæрдтой лифт. Сæрмагонд амонæнты фæрцы та тагъддæр ссарæн ис хъæугæ дохтыры. Дотырмæ та хи ныфысæн ис паддзахадон лæггæдты уылты. Поликлиникæ лæггад кæны 17 мин сывæллонæн, стыр æргом дзы здæхт цæуы анцонвадат уавæртæм. Хæдзарæй æддæмæ рацæуын зын кæмæн у, уыдонмæ цæугæ лабораториимæ бацæуынц дохтырты бригад. Уымæй уæлдай ам ис нæ республикæйы иунæг паллиативон хайад. Æххуыс кæнынц 70 уæззау рынчынæн. Службæ йæ цæст дары сывæллæтты цы хъæуы, уымæ. Уæвгæ та цалцæджы фæстæ поликлиникæ æнæхъæнæй дæр дзуапп дæтты нырыккон домæнтæн. Нацпроектмæ гæсгæ цалцæггæнæн куыстыты фæрцы поликлиникæ, зæгъæн ис, æмæ райста ног цард. Ам алцы дæр арæзт у, цæмæй кæстæртæ афойнадыл исой дохтыры æххуыс æмæ æнæнизæй хъомыл кæной. Дзæдзойты Фатимæ, Суанты Алан
Уæ цæстытыл ма ауайын кæнут ахæм цау: сывæллон тæвд кæнын райдыта æмæ йæ хъæуы дохтыры æххуыс. Поликлиникæмæ йæ куы акæнай, уæд иннæ сабиты дæр фæрынчын кæндзынæ, стæй тæссаг у æндæр, хæцгæ низ райсынæй дæр. Фæлæ ногцалцæггонд поликлиникæйы ахæм сывæллæттæн сарæзтой хицæн бацæуæн, пандусимæ. Ам медицинон уат ифтонг у æппæт хъæугæ кусæнгæрзтæй. Дохтыртæ дзы цыбыр рæстæгмæ сывæллонæны тæвд æрæппардзысты æмæ йæ ауадздзысты хæдзармæ. Ноггуырд сывæллоны æркаст дæр цæуы иу ран, раздæрау æй алы уæладзгуыты хæссын нал хъæуы. Мæй æмæ иу аздзыд ноггуырдтæн ам æркæсынц сæ хъустæм. Ахæм процедурæ хъæуы, цæмæй фидæны сывæллон афойнадыл дзурын райдайа. Æрæгмæ чи сдзуры, уыцы сывæллæтты 3-аг хайæн йæ аххосаг — уæзхъус кæй сты, уый мидæг. Ног нымæцон аппаратимæ уавæр уайтагъд сбæрæг вæйы. Хистæр кары сывæллæтимæ кусынæн дæр поликлиникæйы ис йæхи технологитæ. Зæгъæм, скъоладзаутæ тагъд цы хæринагæй бафсадынц сæхи, уый халы ахсæн. Поликлиникæйы хирургон хайад та ифтонг у нырыккон низбæрæггæнæг кусæнгарзæй. Аппараты руаджы дохтыр экраныл уыны æппæт уавæр, æмæ низыл куы фæдызæрдыг вæйы, уæд йын фадат ис бынаты иртасæн куыст сарзынæн. Сывæллоны æнæниздзинад фидар кæнынц боныгон стационары, изæры та йæ арвитынц хæдзармæ. Поликлиникæ ифтонг у, цæмæй сабийæн йæ астæуы стæг ма фæкъдз уа, йæ уæхсджытæ уой æмраст, уæнгтæ рог. Реабилитаци дзы цæуынц гастритæй рынчын сывæллæттæ. Ис сæм улæфæнтæ, нервытæ дзæбæхгæнæн апараттæ. Ахæм кусæнгæрзты фæрцы арæзт цæуы нырыккон домæнтæн дзуапп дæттæг поликлиникæ. Цалцæггæнæн куыстыты рæстæг ам баивтой æппæт хæтæлтæ, бæстыхаймæ бауагътой уæлдæфуадзæнтæ æмæ зынгхуыссынгæнæн системæ. Стыр ивддзинæдтæ дзы æрцыд 9 мæймæ. Рацарæзты фæстæ поликлиникæйы фæзынд фылдæр кабинеттæ. Бацæуæны сæвæрдтой лифт. Сæрмагонд амонæнты фæрцы та тагъддæр ссарæн ис хъæугæ дохтыры. Дотырмæ та хи ныфысæн ис паддзахадон лæггæдты уылты. Поликлиникæ лæггад кæны 17 мин сывæллонæн, стыр æргом дзы здæхт цæуы анцонвадат уавæртæм. Хæдзарæй æддæмæ рацæуын зын кæмæн у, уыдонмæ цæугæ лабораториимæ бацæуынц дохтырты бригад. Уымæй уæлдай ам ис нæ республикæйы иунæг паллиативон хайад. Æххуыс кæнынц 70 уæззау рынчынæн. Службæ йæ цæст дары сывæллæтты цы хъæуы, уымæ. Уæвгæ та цалцæджы фæстæ поликлиникæ æнæхъæнæй дæр дзуапп дæтты нырыккон домæнтæн. Нацпроектмæ гæсгæ цалцæггæнæн куыстыты фæрцы поликлиникæ, зæгъæн ис, æмæ райста ног цард. Ам алцы дæр арæзт у, цæмæй кæстæртæ афойнадыл исой дохтыры æххуыс æмæ æнæнизæй хъомыл кæной. Дзæдзойты Фатимæ, Суанты Алан