Æнæнхъæлæджы уавæрты министрады æмæ Мæскуыйы университеты специалисттæ федтой хъолайы цъитийы уавæр

Цӕгат Ирыстоны сбæрæг кодтой Хъолайы цъитийы уавæр. Кусæг къордæн разамынд лæвæрдта æнæнхъæлæджы уавæрты министрады республикон управленийы хицауы хæстæ рæстæгмæ æххæстгæнæг Сергей Веретенников. Аргъ ма йын скодта Мæскуыйы паддзахадон университеты раззагдæр зонадон кусӕг Сергей Черноморец. Специалистты бынатмæ фæхæццæ кодтой вертолетӕй. Эксперттӕ ӕркастысты Джимарайы-Хохы фӕхстӕм. Уӕ зӕрдыл уын ӕрлӕууын кӕндзыстæм ацы цъити нымад у тæссагыл. Йӕ уавӕрмӕ йын æппынæдзух цӕст дарын у ахсджиаг. 2002-ӕм азы йæ рацыд ахаста 125 адӕймаджы цард. Ныртӕккӕ цъитийы массӕтæ дарддӕр фылдӕр кӕнынц. Цы бӕрӕггӕнӕнтӕ райсой, уыдон уыдзысты адӕмы æмæ туристон маршрутты ӕдасдзинады бындур.