РЦИ-Аланийы хицауады ныхас цыд сæйраг финансон документыл

Цӕгат Ирыстоны хицауад кусын райдыдта сӕйраг финансон документыл. Дзанайты Барис сарӕзта дыууæ мин дыууын æвдæм дыууæ мин дыууын фарæстæм азты бюджетон проектты къамисы ӕмбырд.  Хицауады уæнгтæ æрдзырдтой республикон къазна аразыны сæйраг фæзилæнтыл. Финансты министры хӕстӕ рӕстӕгмӕ ӕххӕстгӕнӕг Оксана Каровайы ныхӕстӕм гӕсгӕ, ныртӕккӕ аргъ кӕнынц хъалонты ӕмӕ ӕнӕхъалон ӕфтиӕгты бæрцæн, уыимæ ма нымайынц хӕрдзты нымæц. Сæйрагдæр — социалон къабаз: мызд, пособитӕ, сывӕллонджын бинонтӕн ӕмӕ сæрмагонд æфсæддон операцийы архайджытӕн ӕххуыс, нацпроекттӕ, ахуырад, медицинӕ, инфраструктурӕ. Дзанайты Барис фæнысан кодта: ӕппӕт хӕрдзтӕ дӕр хъуамӕ арӕзт ӕрцӕуой республикӕйы сӕргълӕууӕджы социалон хӕстӕ ӕмӕ фӕдзӕхстытӕ ӕххӕст кӕнгæйæ.