Ныр паддзахадон лæггæдты курдиат бадæттæн ис "Уæрæсейы пост"-ы хайæдты

"Уæрæсейы пост"-ы ныр исын райдайдзысты курдиаттæ паддзахадон лæггæдтæм æмæ адæммæ хæццæ кæндзысты дзуæппытæ. Сæрмагонд закъон 8-æм июлы сфидар кодта Паддзахадон думæ дыккаг æмæ æртыккаг бакастыты. Ныр, Паддзахадон лæггæдтæ райсынæн ведомствæмæ цæуын нал хъæуы - хæстæгдæр посты хайады ис курдиат бадæттæн. "Уæрæсе пост"-æн та уый у уæлæмхасæн æфтиæгты гæнæн. Уыимæ ма ног закъон бар дæтты æрмæст бæлвырд организацитæн абонентон асыччытæй пайда кæнынæн хицæн æмæ бирæфатерон хæдзæртты, уыимæ разамынддæттæг компанитæн æмæ ресурсон организацитæн.