Паддзахадон фонд "Фыдыбӕстӕ Хъахъхъӕнджытæ"-йы фыццаг минӕварад байгом Хуссар Ирыстоны

Цхинвалы байгом Паддзахадон фонд "Фыдыбӕстӕ Хъахъхъӕнджытæ"-йы фыццаг минӕварад Хуссар Ирыстоны. Кадджын мадзал бабӕрӕг кодта Уӕрӕсейы Президенты Администрацийы разамонӕджы фыццаг хӕдивӕг Сергей Кириенко. Сӕрмагонд æфсæддон операцийы ветерантӕн ӕмӕ сӕ бинонтӕн ныр сӕ бон у райсын комкоммæ ӕххуыс алы фарстаты фӕдыл. Социалон координаторты бацӕттӕ кодтой Уӕрӕсейы адӕмон хӕдзарады ӕмӕ паддзахадон службӕйы академийы. Ныр ветерантæн пайда уыдзысты медицинон реабилитациимӕ, санаторон-курортон дзӕбӕхкӕнынадимӕ ӕмӕ ӕрвылбоны царды фарстатæ иуварс кæнынимæ. Координатортӕ ма баххуыс кӕндзысты ветерантӕн профессионалон ахуырад райсынæн, куысты ӕмӕ социалон адаптациимӕ. Уый фадат ратдзӕн æфсæддонтæн сабырмæ цардмӕ тагъддӕр раздӕхынӕн. Хуссар Ирыстоны ветерантӕн фадат фӕци хъӕугӕ ӕххуыс регионæй нæ рацæугæйæ райсынæн. Филиал куы байгом, уӕд ӕххуыс хӕстӕгдӕр ӕмӕ ӕнцонвадатдӕр фӕци.