Куклаты театр "Саби"-ы презентаци скодтой нывгӕнджыты æппæтуæрæсеон онлайн-проектæн

Куклаты театр "Саби"-ы презентаци скодтой æппæтуæрæсеон проект «Тузлуков вернисаж»-æн. Арæзт цæуы Владимир Потанины хæрзаудæн фонды хъæппæрисæй. Уый у онлайн-ресурс куклаты театрты нывгӕнджытӕн. Цæгат Кавказы регионтæй ацы хъæуыдаджы фыццаг архайæгæй равзæрстой театр "Саби". Проекты нысан у сценографион бынтӕ парахат кӕнын. Онлайн-равдыстмæ бахæсдзысты хуыздæр нывгӕнджыты эскизтӕ ӕмӕ куыстытæ. Фенæн сæ уыдзæн нæ бæстæйы æппæт аивадуарзджытæн. Платформӕ арæзт цæуы дыууӕ хайы: сезоны равдыст ӕмӕ сӕрмагонд равдыстытӕ. Кусӕн верси фæзындзæн 29 октябрæй. Проект арӕзт у Ӕппӕт Уӕрӕсейӕн дӕр. Фӕлӕ организатортӕ кусынц, цæмæй Уæрæсейæ дарддæр ахизой æмæ уал ныронг бастдзинад ис Италийы театртимӕ, уыдоны дӕр фӕнды сӕ бынтӕ ныммыхуыр кӕнын.