Медицинон реабилитацийӕн ног ифтонггарз амал кӕнынц респбликӕйы дзӕбӕхгӕнӕндӕттӕн

Медицинон реабилитацийӕн ног ифтонггарз самал кодтой Мӕздӕджы районы сӕйраг рынчындонӕн ӕмӕ Дзӕуджыхъӕуы 4-ӕм поликлиникӕйӕн. Хыгъды — физиотерапийы, электромагнитон ӕмӕ лазерон терапийы аппараттӕ, техникӕ хъӕугӕ процедурӕтӕ кæнынæн. Нырыккон ифтонгад фадат ратдзӕн реабилитаци ахадгӕдӕр скӕнынӕн ӕмӕ рынчынтӕн феххуыс уыдзӕн низтӕ, цӕфтӕ ӕмӕ операциты фӕстӕ тагъддӕр сӕхиуыл фæхæцынæн. Уый тыххæй йæ социалон хызты фехъусын кодта Сергей Меняйло. Техникӕ самал кодтой национ проект "Дӕргъвӕтин ӕмӕ активон цард"-мӕ гӕсгӕ.