Цæгат Ирыстоны сæргълæууæг Сергей Меняйло "Ирыстоны намысы" майданæй схорзæхджын кодта сæрмагонд æфсæддон операцийы архайæг Уырысты Владимиры. Æфсæддонæн ахæм бæрзонд республикон хæрзиуæг лæвæрд æрцыд, йе профессионалон хæс Украинæйы сæрмагонд æфсæддон операцийы рæстæг иттæг хорз кæй сæххæст кодта, уый тыххæй. Регионы разамонæг Уырысты Владимирæн раарфæ кодта кадджын паддзахадон хæрзиуæджы фæдыл, йæ лæгдзинад фæнысан кæнгæйæ. Йæ зæрдæ йын загъта æнæниздзинад æмæ ног æнтыстытæ службæйы.