Կառավարության պատասխանը «ՀայաՔվե»–ի վերաբերյալ իրավական աբսուրդ է. Ավետիք Չալաբյան
«ՀայաՔվե» նախաձեռնության համակարգող, հասարակական–քաղաքական գործիչ Ավետիք Չալաբյանը «Աբովյան Time»–ի եթերում անդրադարձել է Ազգային ժողովում իրենց ներկայացրած օրենսդրական նախաձեռնության շուրջ սպասվող քննարկումներին և դրան ուղղված քննադատություններին։ «ԱԺ–ն եթե այս օրենքի նախագիծը չընդունեց, պետք է այլընտրանք առաջարկի, օրին ակ` ասի պատրաստ ենք ընդունել այսպիսի խմբագրությամբ կամ սեփական օրենքի նախագիծը բերի։ Մենք ի վերջո հղում ենք կատարում Անկախության հռչակագրին և Սահմանադրության նախաբանին, չեք ուզում օրենքը ընդունել, գնացեք հանրաքվե իրականացրեք, Սահմանադրությունը փոխեք»,–նշում է Չալաբյանը։