Сергей Меняйло фембæлд Херсоны облæсты æвзонг цæрæг Анита Красноваимæ. Йæ бæллиц уыд Цæгат Ирыстонмæ ссæуын. Чызг архайдта Æппæтуæрæсеон хæрзаудæн акци "Бæллицты заз бæлас"-ы. Лæварæн æй хъуыд Дзæуджыхъæумæ балц. Сæргълæууæг Сергей Меняйло æмæ Херсоны облæсты губернатор Владимир Сальдо сæххæст кодтой 16 аздзыд чызджы фæндон. Анитæ республикæмæ ссыд йæ мад æмæ йæ кæстæр хоимæ. Ам фæуыдзысты цыппар боны. Æнхъæлмæ сæм кæсы цымыдисаг программæ. Цæгат Ирыстоны сæргълæууæг бафæдзæста бинонты хорз суазæг кæнын. Туристон бынæттыл балцæй уæлдай ма архайдзысты хи ирхæфсæн мадзæлтты дæр. Сергей Меняло ма бабар кодта, цæмæй Анитæ фембæла йæ æмгар скъоладзаутимæ.